घटना घट्दै आएको हो
र, घटना घट्दै गइरहेको छ
र, घटना घटिरहनेछ बार-बार
यदि यसको विरुद्ध केही गरिएन भने !
स-साना बच्चाहरू केही जान्दैनन्
किनभने उनीहरू स-साना छन् !
गरिबहरू ध्यान दिँदैनन्
किनभने उनीहरू निकै गरिब छन् !
र, धनवान् कोही ध्यान दिइरहेका छैनन्
किनभने उनीहरू निकै धनवान् छन् !
मूर्खहरू खासै चासो दिइरहेका छैनन्
किनभने उनीहरू निकै मूर्ख छन्
र, बुद्धिमानहरू पनि खासै चासो दिइरहेका हुँदैनन्
किनभने उनीहरू निकै बुद्धिमान छन् !
युवायुवतीहरू यसप्रकारको कुराहरू पर्वाह गर्दैनन्
किनभने उनीहरू निकै युवा छन् !
र, वृद्धवृद्धाहरू यसप्रकारको कुराहरू गरेर चिन्तित हुन् चाहँदैनन्
किनभने उनीहरू निकै वृद्ध भइसकेका छन् !
यसकारण यसको विरुद्ध कहिल्यै केही हुँदैन
र, यसकारण केही हुँदै हुँदैन
र, सधैँ यही भइरहन्छ
र, बार-बार भइरहनेछ यही !
मूल कवि: एरिक फ्रेड
अस्ट्रिया
लेखकका अन्य सिर्जनाहरू पढ्न यहाँ क्लिक गर्नुहोस्…#एरिक फ्रेड#राजु झल्लु प्रसाद
(साहित्यपोस्टमा २०८०, आश्विन २५, बिहीवार १२:०१ मा प्रकाशित)
